Ingqophamlando yocwaningo yeseka amazinga okuphepha embonini yamalahle

I-Kangra ibiyenze umviliyelo wezimo eziphuthumayo ngokubambisana ne-Coaltech ne South African Colliery Managers’ Association, ngenhloso yokuhlola isimo sezindawo zokukhosela ezingaphansi komhlaba

I-Kangra ibiyenze umviliyelo wezimo eziphuthumayo ngokubambisana ne-Coaltech ne South African Colliery Managers’ Association. Inhloso bekungukuhlola isimo sezindawo zokukhosela ezingaphansi komhlaba. Amakhosomba ayizindawo zokukhosela abantu abasebenza ezimayini ngesikhathi eziphuthumayo ezinjengemililo nokuqhuma, zibeyizindawo zokukhosela kuze kuqale umsebenzi wokuhlenga abantu.

Kulo msebenzi bekukhona ithimba lamavolontiya angu-12 ahlale amahora angu-30 emathunjini omhlaba eBalgarthen Shaft yaseKangra abegadwe ubusuku nemini ngamakhamera asegumbini lokuphepha. I-Coaltech ihlose ukushicilela umbiko obanzi ngocwaningo oluqukethe izinto elizitholile neliziphakamisayo ezizodluliselwa kubalingani embonini.